Гавердовскэ тхылъеджапIэу N10-м ыгъэхьазырыгъэ про­ектэу «Встань на защиту природы» зыфиIорэм лъэтегъэуцо иIагъ.

Ар Iоныгъом и 5-м гъэ­сэныгъэ гупчэу N 18-м иа 1-рэ «В» класс къыфа­гъэлъэгъуагъ.
Iофтхьабзэр мэкIофэ экологиер зыщыщыр, чIыопсыр ыкIи ащ икъэ­кIуапIэхэр къызэрэуухъу­мэнхэ, тыкъэзыуцухьэрэ дунаим цIыфым иIахьэу хэлъыр, ащ тизэрар емыкIыным фэшI шIэгъэн фаер кIэлэцIыкIухэм къафаIо­тагъ. ТхылъеджапIэм иIофышIэхэу Наталья Алексеевамрэ Марина Иргизцевамрэ агъэхьазырыгъэ проектыр видео шъуашэм илъэу къарагъэлъэгъугъ. Экологическэ шапхъэу щыIэхэм ныбжьыкIэхэр нэIуасэ афэхъугъэх, ты­къэзыуцухьэрэ дунаир хэмытэу цIыфыр щыIэн зэримылъэкIыщтыр къа­гурыIуагъ.
— ЧIыопсыр — унэ. Мафэ къэс ащ къэгъа­гъэхэр къыщызэIокIых, псэушъхьэхэр къехъухьэх, сабыйхэм ящхы макъэ къеIукIы. А унэр цIыфхэми, дунаим тетхэм зэкIэми зэдыряй, — къыIуагъ Наталья Алексеевам.
Нэужым «ЧIыопсыр — зэкIэми тызщыпсэурэ ун» зыфиIорэ сурэтхэр библио­текарьхэм кIэлэцIыкIухэм адашIыгъэх. Джащ фэдэу экологием фэгъэхьыгъэ тхылъхэмкIэ Iофтхьабзэр агъэбаигъ.
Iэшъынэ Сусан.