Адыгеим илIыкIоу, Яблоновскэ спорт еджапIэм зыщызыгъэсэрэ Къэрдэнэ Аслъан урым-рим бэ­нэнымкIэ Урысыем и Кубок икъыдэхын фэ­гъэ­хьы­гъэ зэнэкъокъум текIоныгъэ къыщыдихыгъ.

Зыныбжь илъэс 18-м емыхъугъэхэр ары зызыушэтыгъэхэр. Республикэм испортсмен ыкIи ащ итренерхэм гъэхъэгъэшхоу ашIыгъэмкIэ афэгушIуагъ Адыгэ Рес­публикэм и ЛIышъхьэу КъумпIыл Мурат.
— Зэнэкъокъухэр Нижегородскэ хэкум икъалэу Бор щыкIуагъэх ыкIи къэралыгъом ибэнэкIо анахь лъэшхэр ащ хэлэжьагъэх. Аслъан IэпэIэсэныгъэшхо зэрэхэлъыр джыри зэ къыгъэшъыпкъэжьыгъ, текIоныгъэм къыфэкIоным пае зэIукIэгъуитфэу иIагъэр къыхьыгъ. Ти­спортсмен тапэкIи гъэхъэгъэшIухэр ышIынхэу, джыри нахь лъэгэпIэ инхэм анэсынэу фэсэIо, — къыщитхыгъ республикэм ипащэ со­циальнэ нэкIубгъохэм ащыщ.