ГандболымкIэ Урысыем ипервенствэ рагъэжьагъ. Мыщ ныб­жьыкIэ командэ 12 хэлажьэ. «АГУ-Адыиф-2-м» иапэрэ ешIэ­гъуищыр Мыекъуапэ щыкIуагъэх.

Краснодар икомандэу «Академия гандбола» зыфиIорэм илIыкIохэм тIо­гъогогъо типшъашъэхэр аIукIагъэх. Апэрэ ешIэгъум хьакIэхэр нахь щылъэшыгъэх, пчъагъэр 37:24-у текIоныгъэр
къыдахыгъ. ЯтIонэрэ зэIукIэгъури ахэм ахьыгъ, тикомандэ икъэлапчъэ Iэгоо 37-рэ къыдадзагъ, Мыекъуапэ иганд­болисткэхэм Iэгоо 18 ныIэп дадзагъэр. Тикомандэ тIогъогогъо къытекIуагъэх нахь мышIэми, ащ хэт Елизавета Зарецкаям ешIэкIэ дахэ къызэ­ригъэлъэгъуагъэр къыхэбгъэщын фае. ЗэIукIэгъуитIум ащ къэлапчъэм Iэгоо 14 дидзагъ.
Ящэнэрэ ешIэгъум «АГУ-Адыиф-2-р» «СК КК — Черноморочка-2-м» (Новороссийск) щыIукIагъ. Мы мафэми Ели­завета Зарецкаяр узIэпищэу джэгугъэ, къэлап­чъэм Iэгоо 11 дидзагъ. Новороссийскэ икомандэ хэт Полина Толстокораям гъогогъу 13-рэ ар фызэшIокIыгъ. Адыгеим илIыкIо­хэм апэрэ таймыр 16:13-у къахьыгъ, ау ятIонэрэм хьакIэхэр нахь щылъэшыгъэх, пчъагъэр 28:36-у зэIукIэгъур ахьыгъ. Непэ мы командэхэр джыри зэдешIэщтых.