Хьыкумым унашъо ыштагъ
Мыекъопэ къэлэ хьыкумым Мыекъуапэ щыщэу илъэс 49-рэ зыныбжь Дмитрий Вороновым иуголовнэ IофкIэ унэшъо гъэнэфагъэ ыштагъ. Урысые Федерацием и Уголовнэ кодекс ия 282.4-рэ статья иа 1-рэ Iахь зигугъу къышIырэ бзэджэшIагъэ зэрихьагъэкIэ ар агъэмысагъ.
Нафэ къызэрэхъугъэмкIэ, Урысые Федерацием и УIэшыгъэ КIуачIэхэм хэушъхьафыкIыгъэ дзэ операциер Украинэм зэрэщызэхащэрэм пэшIуекIощтыгъэ, нацист идеологием дезыгъаштэщтыгъэ Д. А. Вороновым экстремист организациехэм ятамыгъэ зытет сурэтхэр мызэу, мытIоу социальнэ хъытыум къыригъэхьагъэх.
Уголовнэ Iофыр къызэIузыхыгъэр ыкIи зэхэзыфыгъэр Урысыем и Следственнэ комитет Адыгэ РеспубликэмкIэ иследственнэ гъэIорышIапI ары.
Урысыем и Уголовнэ кодекс ия 282.4-рэ статья иа 1-рэ Iахь диштэу Мыекъопэ къэлэ хьыкумым условнэу илъэс Д. А. Вороновым тырилъхьагъ. Хьыкумым иунашъо хэбзэ кIуачIэ иIэ хъугъэ.