Шъхьэихыгъэу адыригъаштэщтыгъ
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм къалэу Иркутскэ щыщэу Мыекъуапэ щыпсэурэ хъулъфыгъэу илъэс 20 зыныбжьыр терроризмэм епхыгъэ Iофхэм ахэщагъэу, ащ фэдэ бзэджэшIагъэхэм зэрадыригъаштэрэр шъхьэихыгъэу къыриIотыкIэу агъэунэфыгъ.
«РадикальнэкIэ» алъытэрэ быслъымэн дин еплъыкIэ зиIэ хъулъфыгъэм «В Контакте» зыфиIорэ социальнэ хъытыур ыгъэфедэзэ, терроризмэм зэрэдыригъаштэрэм, ащ хэхьанхэу зэкIэми къызэряджэрэм афэгъэхьыгъэ тхыгъэхэр публичнэ купым къыщыригъахьэщтыгъэх. Быслъымэн дин нэпцIым, терроризмэм епхыгъэ бзэджэшIагъэхэм нэмыкIхэр ахэщэгъэнхэм фэгъэзагъэу а купым хэт анахь чанхэр ащ ипыщэгъугъэх, ежьыри пропагандэ зыщишIырэ материалхэр етIупщыгъэу къыригъахьэщтыгъэх.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ следствиехэмкIэ иотдел уголовнэ Iоф къызэIуихыгъ, зэхэфынхэр макIох.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ ипресс-къулыкъу