ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» зичэзыу ешIэгъоу иIагъэм апэрэ чIыпIихым афэбэнэрэ командэхэм ясатыр хэхьанымкIэ мэхьанэшхо зиIэгъэ очкоуи 3 щычIинагъ. Я 25-рэ турым къыдыхэлъытагъэу Хасавюрт къэзыгъэлъэгъорэ «Победэр» тихьэкIагъ.

«Зэкъошныгъ» — «Победа» — 1:2 (1:1).
Къэлапчъэм Iэгуаор дэзы­дзагъэхэр: А. Делэкъом — я 17-рэ такъикъым, Т. Битаровым — я 22-рэ такъикъым, Ш. Са­адуевым — я 49-рэ такъикъым.
«Зэкъошныгъэм» щешIагъэх: Т. Хачировыр (къэлэпчъэIут), С. Черджиевыр, У. Магомедбековыр, Р. Трефиловыр (Т. Мохбалиевыр), К. Юшко (А. Малкандуевыр), К. Антонец, Э. Цанава, З. Коблыр (Т. Хьэхыр), Е. Рагулькиныр, Г. Абдуллаевыр (Д. Антоненкэр), А. Делэкъор (И. Зинченкэр).
Тренер шъхьаIэр — С. Мирошниченкэр.
«Победэм» хэтыгъэх: А. Шиханматовыр (къэлэпчъэIут), А. Джаб­раиловыр, А. Абдура­х- ман, А. Жига, А. Исмаиловыр (С. Курбановыр), М. Исаевыр, Т. Битаровыр (Л. Лабазановыр), М. Магомедовыр, Ш. Саадуевыр (И. Джамалавовыр), А. Авагумян, Р. Салимовыр (М. Шихбабаевыр).
Тренер шъхьаIэр — А. Халимбековыр.
«Зэкъошныгъэр» апэрэ чIыпIихыр зыIыгъ командэхэм ахэхьанымкIэ мы зэIукIэгъум изэфэхьысыжь мэхьанэшхо иIагъ. Ау фут­болыр зыгу рихьыхэу респуб­ликэм щыпсэухэрэм ягугъапIэхэр ешIэгъум къыгъэшъыпкъэжьыгъэ­хэп.
ЗэIукIэгъум ипэублэ тифутболистхэр дэгъоу джэгугъэх, я 17-рэ такъикъым Гаджимурад Абдуллаевыр къэлапчъэм дэуагъ, ащ Iутыгъэм къызэкIидзэжьыгъэ Iэгуаор Делэкъо Аскэр къызIэкIигъэхьагъ ыкIи икIэрыкIэу дэуагъ, пчъагъэр 1:0 хъугъэ. Ау такъикъи 5 тешIагъэу хьакIэхэм пчъагъэр зэфэдиз ашIыгъ, «Победэм» икапитанэу Темирхан Битаровым къэлапчъэм Iэгуаор дидзагъ. Я 49-рэ такъикъым Хасавюрт илIыкIохэм ятIонэрэ Iэгуаор да- дзагъ ыкIи 1:2-у текIоныгъэр къыда­хыгъ.
— ТекIоныгъэр къыдэпхыным пае амалэу уиIэхэр бгъэфедэнхэ фае. Апэрэ командихым тахэфэныр джы тэрэп зэлъытыгъэщтыр. Лъэшэу сыгу къе­уагъ мыщ фэдиз IофшIэнышхо дгъэцакIи, бысым ешIэгъур зэрядгъэхьыгъэр, — къыIуагъ «Зэ­къошны­гъэм» итренер шъхьаIэу Сергей Мирошниченкэм.
Я 25-рэ турым «Нартыр» зэнэкъокъум пэрытныгъэ щы­зыIыгъ «Кубань Холдингым» 3:2-у текIуагъ. «Ростов-2-м» ыкIи «Динамо Ставрополь» очко щырыщ къахьыгъ. Астраханьрэ Ялтэрэ ащыкIогъэ ешIэгъухэр пчъа­гъэр зэфэдизэу аухыгъэх.
Я 25-рэ турым изэфэхьысыжьхэр:
«Зэкъошныгъ» — «Победа» 1:2, «Динамо-2» — «Севастополь» — 1:4, «Астрахань» — «Ангушт» — 0:0, «Рубин Ялта» — «Легион» — 2:2, «Рос­тов-2» — «Спартак-Налщык» — 4:1, «Динамо Ставрополь» — «Шъа­чэ-2» — 2:1, «Нарт» — «Кубань Холдинг» — 3:2.
Джырэ уахътэм турнир таблицэм «Динамо Ставрополь» пэрытныгъэр щиIыгъ, «Кубань Холдингыр» ятIонэр, «Севастопольрэ» «Победэрэ» ящэнэрэ чIыпIэр зэдагощы. «Зэкъошныгъэр» я 8-р. Зичэзыу ешIэгъур тикомандэ Iоныгъом и 13-м Мыекъуапэ щыриIэщт, «Нартыр» тихьакIэщт.
Командэхэр зыдэщыт чIыпIэхэр ыкIи очко пчъа­гъэу рагъэкъугъэр:

1. «Динамо Ставрополь» — 49.
2. «Кубань Холдинг» — 48.
3. «Севастополь» — 47.
4. «Победа» — 47.
5. «Ростов-2» — 41.
6. «Нарт» — 39.
7. «Шъачэ-2» — 37.
8. «Зэкъошныгъ» – 37.
9. «Астрахань» — 37.
10. «Рубин Ялта» — 32.
11. «Легион» — 29.
12. «Ангушт» — 22.
13. «Спартак-Налщык» — 14.
14. «Динамо-2» — 2.
    Я 26-рэ турым зэIукIэщтых:
    «Зэкъошныгъ» — «Нарт», «Ангушт» — «Рубин Ялта», «Спартак-Налщык» — «Динамо Ставрополь», «Кубань Холдинг» — «Астрахань», «Севастополь» — «Победа», «Шъачэ-2» — «Динамо-2», «Легион» — «Ростов-2».