СамбэмкIэ Урысые зэнэкъокъухэр Чэчэн Республикэм икъалэу Шали щыкIуагъэх. Шамсудин Увайсаевым ишIэжь фэгъэхьыгъэ турнирым спортсмен 200-м ехъу хэлэжьагъ.

Адыгэ Республикэм илIыкIохэм гъэхъэгъэшIухэр ашIыгъэх, нэбгырищмэ хагъэунэфыкIырэ чIыпIэхэр къыдахыгъэх. Батмэн Амин текIоныгъэр къыфагъэшъошагъ, Хьакъуй Эльдар тыжьын медаль къыхьыгъ, Апыщ Ислъам ящэнэрэ хъугъэ.
Тиспортсменхэм ыкIи ахэм ятренерхэу А. Делэкъом, А. Мырзэм, А. Гъомлэшкым, Б. Шъэумэным тафэгушIо, тапэкIи ягъэхъагъэхэм ахагъэхъонэу афэтэIо. Джащ фэдэу Батмэн Амин спортым имастер хъунымкIэ шапхъэр ыгъэцэкIагъ.