АР-м физическэ культурэмкIэ ыкIи спортымкIэ и Комитетрэ шыхъуным ыкIи шыIыгъыным апылъхэм я Ассоциациеу АР-м щызэхэщагъэмрэ зэгъусэхэу Iоныгъом и 7-м, тхьаумафэм, шыгъачъэ зэхащэ.
Iофтхьабзэр Мыекъуапэ, АР-м иипподром пчэдыжьым сыхьатыр пшIым ыныкъом щырагъэжьэщт. МэфэкI шIыкIэм тетэу къызызэIуахырэм ыуж шыгъачъэхэр сыхьатыр пшIым аублэщтых. ШылъэпкъышIухэр гъогуони 6-м къащызэпэчъэщтых. ЫпкIэ хэмылъэу шъыгъачъэхэм шъуяплъын шъулъэкIыщт.