«Россети Кубань» и Адыгэ шъолъыр къутамэ иэнергетикхэм Кощхьэблэ районым иподстанциехэм ащыщ игъэцэкIэжьын аухыгъ.

Ащ социальнэ ыкIи мэкъумэщ псэуа­лъэхэр бэу епхыгъэх, къутырэу Казенно-Кужорскэм, Краснодар краим икъалэу Лабинскэ изы район цIыкIу ащыпсэухэ­рэм электроэнергиер аIэкIегъахьэ.
Специалистхэм трансформаторыр, хэгъэнапIэхэр, электричествэр зэбгырызытIупщыхэрэр, нэмыкIхэр агъэцэкIэжьыгъэх, зыщищыкIагъэм зэблахъу­гъэх. Ащ ыпэкIэ къуаджэу Еджэркъуае зэпхыгъэ подстанциер агъэкIэжьыгъ. Ащ нэбгырэ 1500-м ехъумэ электричествэр ареты, мэкъумэщ хъы­змэт­шIэпIэ инхэр епхыгъэх.
2025 — 2026-рэ илъэсхэм ябжы­хьэ-кIымэфэ уахътэ электроэнергиер зэпыу фэмыхъоу цIыфхэм аIэкIэгъэхьэгъэным фэшI гъэцэкIэжьын IофшIэнхэм афытегъэпсыхьэгъэ программэм къыдыхэлъы­тагъэу мы зэпстэур зэшIуахыгъ.
Адыгэ шъолъыр къутамэм Краснодар краим и Апшеронскэ ыкIи Шытхьэлэ районхэм, къалэу Мыекъуапэ, Мые­къопэ, Красногвардейскэ, Джэджэ, Кощхьэблэ ыкIи Шэуджэн районхэм электричествэр ареты, киловатт 35 — 110-рэ кIуачIэу зиIэ подстанциехэу 60 епхыгъ.