БзэджэшIагъэ зезыхьагъэхэм пшъэдэкIыжь ягъэхьыгъэнымкIэ Федеральнэ къулыкъум и Гъэ­Iо­рышIапIэу АР-м щыIэм ихьа­псэу N 1-м Адыгэкъалэ щыщ хъулъфыгъэу дэсым иIоф джыри АР-м и Теуцожь район хьыкум хэплъагъ.

Урысыем и Уголовнэ кодекс ия 282,2-рэ статья ия 2-рэ Iахь къызэрэщыдэлъытагъэу, ащ экстремизмэм епхыгъэ Iофхэр зэрифэщтыгъэхэу ылъытагъ.
ЗэрагъэунэфыгъэмкIэ, хъулъфыгъэр хьапсым зэрэдэсэу дунэе общественнэ движениеу «Арестантское уголовное единство» зыфиIорэм иIофшIэн хэлажьэщтыгъ, ащ ежь фэдэу пшъэ­дэкIыжь зыхьыхэрэр хищэнхэм ыуж итыгъ, ащ иидеологие зэрэдыригъаштэрэр, шэпхъэ гъэ­нэфагъэу щыIэныгъэм хэтхэр зэримыштэхэрэр шъхьэихыгъэу къыIощтыгъ, хабзэм илIыкIохэм уапэшIуекIон фаеу ыIощтыгъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ следствиехэмкIэ иотделение уголовнэ Iоф къызэIуихи, зэхэфынхэр кIуагъэх.
Теуцожь район хьыкумым хъулъфыгъэр мысэу ылъытагъ ыкIи илъэси 3-рэ мэзи 3-рэ хьапс, зы илъэсрэ ишъхьафитыныгъэ гъунэпкъэ гъэ­нэфагъэ иIэнэу тырилъхьагъ.
Хьыкумым иунашъо джыри кIуачIэ иIэ хъугъэп.