ГандболымкIэ Урысыем и Суперлигэ хэт коман­дэхэм апэрэ турым къыдыхэлъытэгъэ ешIэ­гъухэр яIагъэх. «АГУ-Адыифыр» Мыекъуапэ щыIукIагъ Тольятти икомандэу «Ладэм».

Адыгэ къэралыгъо универ­ситетым и Ордэунэу Кобл Якъубэ ыцIэ зыхьырэм щыкIогъэ ешIэ-­
гъур мы спорт лъэпкъыр зыгу рихьыхэрэм ашIогъэшIэгъоныгъ. Апэрэ ешIэгъуныкъом Мыекъуапэ илIыкIохэр лъэшэу чаныгъэхх, ащ хьакIэхэр фэхьазырыгъэхэп. Зэ­IукIэгъур рагъэжьэгъэ къодыеу ти­командэ хэт Юлия Хавронинам пчъагъэр къызэIуихыгъ. Апэрэ такъикъи 10-м ыуж 8:4-у, я 20-м ехъулIэу 15:10-у бысымхэр ыпэ итыгъэх. Апэрэ таймыр 21:15-у типшъашъэхэм къахьыгъ.
Зыгъэпсэфыгъо уахътэм ыуж хьакIэхэм яешIакIэ рагъэхъугъ, хэукъоныгъэу ашIыгъэхэм ядэ­гъэзыжьын Iоф дашIагъ. Мые­къуапэ илIыкIохэм ятIонэрэ едзы­гъом къэлапчъэм Iэгоуи 9 ныIэп дадзагъэр. Я 50-рэ та­къикъым нэс командэхэм яешIакIэ зэфэдагъ, ау ащ ыуж «Ладэр» хэпшIыкIэу нахь лъэшыгъ ыкIи 30:34-у текIоныгъэр къыдихыгъ. КъыкIэлъыкIощт зэIу­кIэгъур «АГУ-Адыифым» Астрахань щыриIэщт, Iоныгъом и 11-м мыщ ичIыпIэ командэ дешIэщт.