Зызыушэты зышIоигъохэм апай
Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм итхьамафэ Адыгеим икъэлэ шъхьаIэ щыкIощт.
Ащ къыдыхэлъытагъэу Iоныгъом и 15-м щегъэжьагъэу и 21-м нэс шIоигъоныгъэ зиIэхэр республикэ стадионэу «Зэкъошныгъэм» къекIолIэнхэшъ, шапхъэхэр атынхэ алъэкIыщт. Iофтхьабзэм изэхэщакIор Мыекъуапэ физическэ культурэмкIэ ыкIи спортымкIэ и Комитет.
Программэм лъэныкъо зэфэшъхьафхэр къыдыхэлъытагъэх: чъэныр (метрэ 1000, 1500-рэ, 2000, 3000), есыныр, щэрыоныр, нэмыкIхэри. ЗэхэщакIохэм къызэраIуагъэмкIэ, дышъэ, тыжьын ыкIи джэрз бгъэхалъхьэхэр къыуатынхэм пае шIокI имыIэу лъэныкъуи 3 — 4-кIэ шапхъэхэр птынхэ фае.
Iофтхьабзэм шъухэлэжьэным фэшI къэралыгъо фэIо-фашIэхэм япортал иамалкIэ Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм иофициальнэ сайт зыщышъутхын фае. Шапхъэхэр зыщышъутыщт мафэм паспортыр е свидетельствэр, шъуипсауныгъэ шапхъэхэм зэрадиштэрэр зэрытхэгъэ медицинэ тхьапэр зыдэшъуIыгъынхэ фае.
Iоныгъом и 15-м, и 17-м, и 19-м мафэм сыхьатыр 5-м щегъэжьагъэу пчыхьэм нэс, Iоныгъом и 16-м ыкIи и 18-м пчыхьэм сыхьатыр 6-м щыублагъэу, Iоныгъом и 20-м пчэдыжьым сыхьатыр 8-м щегъэжьагъэу шапхъэхэр шъутынхэ шъулъэкIыщт. Ащ фэгъэхьыгъэ игъэкIотыгъэ къэбар ижъугъо-
тэщт Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм иофициальнэ сайт.