Бзылъфыгъэу сабый къызфэхъугъэр зыIутыгъэ IофшIапIэр зэрэзэфашIыжьыгъэм ыпкъ къикIэу къыIукIыжьыгъэми кIэлэцIыкIум ыныбжь илъэсрэ мэзихрэм нэсыфэкIэ ахъщэ тынхэр къыфэкIощтых.

Сабыир къызэрэхъугъэм фэшI ар охътэ гъэнэфагъэкIэ IофшIапIэм къыIукIыгъэу, организациер зэфа­шIыжьыгъэмэ, къытефэрэр къыратынэу хэбзэгъэуцугъэм къыщеIо. ГущыIэм пае, ныр армырэу, тыр е нэмыкIэу кIэлэцIыкIум лъыплъэщтыр ащ фэдэ чIыпIэ ифагъэмэ, ащи къыфэкIощт.
Ахъщэ тыныр IофшIапIэм аужырэ илъэсым къыщыратыгъэ лэжьапкIэр гурытымкIэ лъытагъэмэ, ипроцент 40-м фэдиз. Мы пособиеу мазэ къэс къатырэр унагъом зэтыгъо ахъщэ тын фагъэнэфэным пае къыдыхалъытэ.
«Къыхэгъэщыгъэн фае, IофшIапIэр зэрэчIинагъэм къыхэкIэу пособие къырамытымэ ары кIэлэцIыкIум пае ахъщэ тыныр къызфэкIощтыр», — къыIуагъ УФ-м и Социальнэ фонд АР-мкIэ и Къутамэ ипащэу МэщлIэкъо Хьамидэ.
Ащ пае къэралыгъо фэIо-фашIэхэм япортал, цIыфхэм Iоф адэзышIэрэ къулыкъум е къэралыгъо ыкIи муниципальнэ фэIо-фашIэхэр зыщагъэцакIэрэ Гупчэм лъэIу тхылъыр ащатын фае. НэмыкI зыпари ищыкIагъэп.
Мы лъэныкъомкIэ упчIэ зиIэхэм цIыфхэм Iоф адэзышIэрэ ЗыкI къулыкъум зыфагъэзэн алъэкIыщт. Телефоныр: 8 (800)100-00-01. Мыщ узэрэтеощтым ыпкIэ лъыттырэп, блыпэ-мэфэку мафэхэм сыхьатыр 9-м щегъэжьагъэу 6-м, бэрэскэшхом сыхьатыр 9-м щегъэжьагъэу 5-м анэс специалистхэм Iоф ашIэ.
Социальнэ хъытыуми тит: https://vk.com/sfr.respublikaadygeya, https://ok.ru/group/7000000I89II68, https://t.me/osfr respublikaadygeya.