КIэлэцIыкIухэм язэнэкъокъу
ШахматхэмкIэ республикэ зэнэкъокъу Адыгеим икъэлэ шъхьаIэ щыкIуагъ. 2014 – 2017-рэ илъэсхэм къэхъугъэ кIалэхэр ыкIи пшъашъэхэр ащ хэлэжьагъэх.
КIалэхэмкIэ текIоныгъэр къыдэзыхыгъэр Мыекъуапэ къэзыгъэлъэгъорэ Роман Киракосян. ИлъэсипшI зыныбжь шахматистым очкоуи 7 ригъэкъугъ, зыкIи къытекIуагъэхэп. Максим Сафаргалиевми очкоуи 7 къыхьыгъ, ау къэгъэлъэгъон тедзэхэмкIэ ятIонэрэ хъугъэ. Дмитрий Жуковым ящэнэрэ чIыпIэр къыфагъэшъошагъ.
Пшъашъэхэр пштэмэ, апэрэ чIыпIищыр къыдэзыхыгъэхэм ацIэр Дана. Пэрытныгъэр зыубытыгъэр Пхэнэе Дана, ащ очкоуи 5,5-рэ ригъэкъугъ. Дана Цыганковамрэ Борсэ Данэрэ ятIонэрэ ыкIи ящэнэрэ чIыпIэхэр къахьыгъэх. Мыхэм медальхэр, дипломхэр, кубокхэр афагъэшъошагъэх.