АР-м и Лъэпкъ музей за­гъэпсыгъэр илъэси 100 зэрэхъурэм фэгъэхьыгъэ Iофтхьабзэхэр лъэкIуатэх. Федеральнэ гупчэм иIэпыIэгъукIэ шъолъырым анахь музей инэу итым гъэцэкIэжьын игъэкIоты­гъэхэр ыкIи зэхъокIыны­гъэхэр зы­фашiыхэм нахь игъэкiотыгъэу Iоф ышIэнэу амал иIэ хъугъэ.

Музеим джыри зы хэхъоныгъэ ышIыгъ — ар зычIэт унэм ичIэхьапIэ къэзыгъэ­нэфырэ инсталляциехэр фашIыгъэх. Къэнэфырэ адыгэ тхыпхъэ инхэм ясурэт­хэр шIункIы зыхъукIэ унэм къытехьэх. ТекIоныгъэм и Мафэ, ИлъэсыкIэм икъи­хьагъу ащ къытехьащт тхыпхъэ сурэтхэр нахь гъэшIэгъоныщтых.
— Просветительскэ ыкIи шIэныгъэ IофшIэн игъэкIотыгъэ щыбгъэцэкIэн, конференциехэр ыкIи творческэ зэIукIэ­хэр щызэхэпщэн плъэкIын амал гъэцэ­кIэжьынхэм музеим къыратыгъ. Адыгэ хьакIэщым, хъарзынэщ ухъумапIэм музеир къагъэбаигъ, — къащитхыгъ ихъы­тыу нэкIубгъохэм АР-м и ЛIышъхьэу КъумпIыл Мурат.
ЗэкIэмкIи АР-м и Лъэпкъ музей ихъар­зынэщ пкъыгъо хьалэмэт 340-рэ чIэлъ. Ахэр тарихъым исаугъэтых, лъэпкъым иискусствэ лъагэ ишыхьатых.