Адыгэ Республикэм и Оперативнэ штаб терроризмэм пэшIуекIогъэным фэгъэхьыгъэ егъэджэнхэр шъолъырым щыригъэкIокIыгъэх.

Мыщ фэдэ Iофтхьабзэхэм язэхэщэнкIэ гухэлъэу щыIэм диштэу, терроризмэм пэшIуекIогъэнымкIэ Лъэпкъ комитетым итхьаматэ, УФ-м щэныгъончъэнымкIэ и Федеральнэ къулыкъу ипащэ ышIыгъэ унашъом къыдыхэлъытагъэу егъэджэнхэр зэхащагъэх.
Терроризмэ ыкIи экстремизмэ нэшанэ зиIэ бзэджэшIагъэхэм апэуцужьыгъэныр Iофтхьабзэм ипшъэрылъ. Мы лъэны­къомкIэ къулыкъу зэфэшъхьафхэм язэпхыныгъэ гъэпытэгъэныр, терроризмэм ищынагъо къызыуцукIэ узэрэзекIон фаер цIыфхэм агурыгъэIогъэныр анахь шъхьа­Iэу щытыгъ. Ахэм япхыгъэу егъэджэнхэр рагъэкIокIыгъэх.
Iофтхьабзэм хэлэжьагъэх УФ-м щыны­гъончъэнымкIэ и Федеральнэ къулыкъу и ГъэIорышIапIэ, АР-м хэгъэгу кIоцI IофхэмкIэ и Министерствэ, бзэджашIэхэм пшъэдэкIыжь ягъэхьыгъэнымкIэ Федеральнэ къулыкъу АдыгеимкIэ и ГъэIорышIапIэ, Росгвардием и ГъэIорышIапIэ, УФ-м ошIэ-дэмышIэ IофхэмкIэ и Министерствэ и ГъэIорышIапIэ ялIыкIохэр. Егъэджэнхэм тхьамэтагъор ащы­зэрихьагъ УФ-м щыныгъончъэнымкIэ и Федеральнэ къулыкъу и ГъэIорышIапIэу АР-м щыIэм ипащэу, генерал-майорэу М. Н. Кемеровым.
УФ-м щэныгъончъэнымкIэ и Фе­деральнэ къулыкъу цIыфхэм джыри зэ агу къегъэкIыжьы мы лъэныкъомкIэ сакъыныгъэ къызхагъэфэн зэрэфаер. Ащ къыхэкIкIэ мыцыхьэшIэгъу цIыфхэм, зыми имые пкъыгъохэм (Iалъмэкъхэм, рюкзакхэм, пакетхэм, нэ­мыкIхэм), джащ фэдэу чIадзыгъэ ав-
то­транспортэу къагъэорэ пкъыгъохэр зэрылъын ылъэкIыщтхэм анаIэ аты­рагъэтын фае.
Терроризэм епхыгъэ бзэджэшIагъэ зэрахьаным фэгъэхьыгъэ къэбар шъошIэмэ хэбзэухъумэкIо къулыкъухэм псынкIэу макъэ яжъугъэIу. Ар къызщыхъун ылъэкIыщт уахътэм, чIыпIэм ахэр щыжъугъэгъуазэх. Ащ фэдэ чIыпIэхэм цIыфхэр ямыкIолIэнхэм фэшI амалэу шъуиIэр ешъухьылI. Щынэгъончъэ чIыпIэм шъущытэу оперативнэ-следственнэ купыр къэсыфэ шъуеж.
Сакъыныгъэ къызхэжъугъафэмэ, бзэджэшIагъэу агъэхьазырырэр къызэтежъугъэуцон, шъори, шъуигупсэхэми ящынэгъончъагъэ къэшъуухъумэн шъу­лъэкIыщт.
Адыгэ Республикэм и Оперативнэ штаб.