Адыгэ къэралыгъо университетым бгъэлэжьынэу щыт сурэтхэр зыдэт тхылъэу «Нарт цIыкIухэр» зыфиIорэр кIэлэцIыкIухэм апае къыдигъэкIыгъ.

ЗэкIэмкIи сурэт 11 тхылъым дэхьагъ. Ахэм ащыгъ шъуашэр адыгэ цыем те­хыгъ. Шыумаф, Бгъэжъ, МашIу, Мыжъу, нэмыкIхэри авторым нарт цIыкIухэм цIэу афишIыгъ.
Литературнэ зэнэкъокъоу Жэнэ ­Къы­­рымызэ ыцIэкIэ зэхащэрэм хагъэу­нэфыкIырэ чIыпIэхэр къыщыдэзыхы­гъэхэм яIофшIагъэхэрр къызщыхауты-­
хэрэ Iахьэу «Адыгеим икIэлэцIыкIу литератур» зыфиIорэм къыдыхэлъытагъэу ар агъэхьазырыгъ. Сурэтхэр зышIыгъэхэр Адыгэ къэралыгъо университетым искусствэхэмкIэ и Институт къэзыухыгъэ Бэгъушъэ Диан.
— Адыгэ шэн-хабзэхэр къэухъумэ­гъэнхэм лъэпкъымкIэ мэхьанэшхо иI.. Сурэтхэр анахь цIыкIухэм апае сшIы­гъэх. Тхылъыр ашIогъэшIэгъоныным сыщэ­гугъы. Литературнэ Iофтхьабзэ регъэ­кIокIыгъэныр зигукъэкIэу, зэнэкъокъум иосэшI куп итхьаматэу КIуращынэ Лей­лэ лъэшэу сыфэраз. Ащ ихьатыркIэ мыр къыздэхъугъ. Самуил Маршак итхы­гъэу «Кот сорняк» зыфиIорэм къы­хэ­хыгъэ сурэтхэр джыри зэнэкъокъум хэзгъэлэжьэщтых, — къыIуагъ Бэгъушъэ Дианэ.
СурэтышI ныбжьыкIэм иIофшIагъэхэр зыцIэ къетIогъэ литературнэ зэнэ­къокъум гъэрекIо хэлэжьагъэх ыкIи «Сурэтхэр» зыфиIорэ лъэныкъомкIэ текIоныгъэр къыдихыгъ. 2024-рэ илъэ-
сым джащ фэдэу бгъэлэжьынэу щыт сурэтхэр зыдэт тхылъэу «Нысхъапэхэр» къыдигъэкIыгъ. ЗэкIэмкIи нысхъэпэ 11 мэхъух, ащыгъ шъуашэр саем техыгъ. Нысхъапэ пэпчъ цIэ иI. Ахэм ямэ-
хьанэ абгъухэмкIэ аготхагъ: Мэзагъу, Нэдахэ, Гушхо, Джантыгъ, Дышъ, Жъуа­гъо, нэмыкIхэри.
Лъэпшъыкъо Фатим.