Адыгэ Республикэм и ЛIышъхьэ иунашъоу «Къэралыгъо мэхьанэ зиIэ спорт зэнэкъокъухэр, Урысыем ичемпионатхэр, ипервенствэхэр ыкIи кубокым якъыдэхын фэгъэхьыгъэхэр Адыгеим щызэхэщэгъэнхэр» зыфиIорэм къыдыхэлъытагъэу республикэм спорт Iофтхьабзэхэр щыра­гъэкIокIыщтых.
Кушъхьэфэчъэ спортым­кIэ Урысыем ичемпионат — «Темыр Кавказым щы­псэурэ лъэпкъхэм язэ­къош­ныгъ» зыфиIорэр 2025-рэ илъэсым Iоныгъом и 2-м Лениным ыцIэ зыхьырэ гупчэм щырагъэжьэщт. Ма­фэм сыхьатыр 6-м ыны­къом щегъэжьагъэу пчы­хьэм 8-м ыныкъом нэс ащ икъызэIухын фэгъэхьыгъэ зэхахьэ щыIэщт, зэнэ­къо­къум хэлэжьэщт командэ­хэр къагъэлъэгъощтых.