Амыгъэкощырэ мылъкум хэхьэрэ псэуалъэр шIухьафтынэу зэзытыжьыхэрэм ар къэзыушыхьатырэ тхылъыр (договор дарения) шIокI имыIэу нотариусым дэжь щагъэпсы- ным фэгъэхьыгъэ хэбзэгъэуцугъэм мы илъэсым кIуачIэ иIэ хъугъэ.

УФ-м игражданскэ Кодекс иятIонэрэ Iахь ия 574-рэ статья ия 3-рэ пункт зэхъокIыныгъэу фашIыгъэхэм къызэращиIорэмкIэ, цIыфэу мылъкур шIухьафтынэу зэзытыжьыхэрэм язэфыщытыкIэ (зэIахьылхэми, зэмыIахьылхэми) емы­лъы­тыгъэу зэзэгъыныгъэр нотариусым дэжь щызэдашIын, хабзэр е фитыны­гъэхэр укъуагъэ зэрэмыхъурэр ащ къы­ушыхьатын фае.
«Договор дарения» зыфаIорэ тхы­лъыр зым имылъку къымыгъэзэжьынэу адрэм зэрэритыгъэр къэзыушыхьатырэ тхылъ. Мылъкур ащ тетэу зытын фитыр ар зиунаер ары. Амыгъэкощырэ мылъкур шIухьафтынэу физическэ, юридическэ лицэхэм е къэралыгъом ептын уфит. Фэтэрыр е нэмыкIэу амыгъэкощырэ мылъкум хэхьэрэ псэуалъэр зэрэщытэу е гощыгъэу, ащ щыщ Iахь птын плъэ­кIыщт.
УФ-м и Къэралыгъо Думэ къызэрэщыхагъэщырэмкIэ, хэбзэгъэуцугъэм зэзэгъыныгъэм игъэпсын охътабэ темыкIодэнэу къышIыгъ, гъэпцIакIохэм, бзэджашIэхэм хъоршэрыгъэкIэ е агъэ­щынэзэ цIыфым ар рагъэшIын джы алъэкIыжьыщтэп.