Top.Mail.Ru

Пчъагъэр зэфэдиз

Image description

ФутболымкIэ Урысыем изэнэкъокъу иятIонэрэ лигэ икупэу «Б-м» хэт Мыекъопэ «Зэкъошныгъэм» я 23-рэ турым къыдыхэлъытэгъэ ешIэгъу мы мафэхэм иIагъ. Зэнэкъокъум ящэнэрэ чIыпIэр щызыIыгъ командэу «Динамо Ставрополь» IукIагъ, пчъагъэр зэфэдизэу ар аухыгъ.

«Динамо Ставрополь» — «Зэкъошныгъ» — 0:0 (0:0).
«Динамо Ставрополь» хэтыгъэх: В. Гуськовыр (къэлэпчъэ­Iут), И. Муслуевыр, В. Рымарь, З. Макоевыр (А. Зароченцевыр), М. Ягъяевыр, И. Абдуллаевыр, Н. Каштан (В. Цхадиашвили), Р. Жангузаровыр (А. Джумаевыр), В. Чуперка (И. Касьяновыр), А. Степанович, Б. Ахъядовыр (Р. Бостановыр).
Тренер шъхьаIэр — А. ШакIор.
«Зэкъошныгъэм» щешIагъэх: Т. Хачировыр (къэлэпчъэIут), С. Черджиевыр, У. Магомедбековыр, Р. Трефиловыр, К. Юшко, К. Антонец, Э. Цанава, З. Коблыр (Д. Ширковскэр), Г. Абдуллаевыр (Д. Антоненкэр), Е. Рагулькиныр, А. Делэкъор (Т. Хэхьыр).
Тренер шъхьаIэр — С. Мирошниченкэр.
Мы спорт лъэпкъыр зыгу рихьырэ нэбгырэ 950-рэ стадионым къыщызэрэугъоигъ. Командэхэм къэлапчъэм Iэгуаор да­дзэнымкIэ амалыбэ яIагъэп. Пчъагъэр зэфэдизэу зэIукIэгъур аухыгъ.
Я 23-рэ турым къыдыхэлъытагъэу Ростов-на-Дону щыкIогъэ ешIэгъури 0:0-у аухыгъ. «Ангуштрэ» «Легионрэ» язэIукIэгъуи пчъагъэр зэфэдизыгъ. Бысым командэхэу «Астраханьрэ» «Кубань Холдингымрэ» текIоныгъэр къыдахыгъ. «Нартым» ыкIи «Шъа­чэ-2-м» очко щырыщ къахьыгъ.


Я 23-рэ турым изэфэхьысыжьхэр:
«Динамо Ставрополь» — «Зэкъошныгъ» — 0:0, «Динамо-2» — «Нарт» — 0:4, «Астрахань» — «Спартак-Налщык» — 1:0, «Ангушт» — «Легион» — 1:1, «Рубин Ялта» — «Шъачэ-2» — 0:2, «Кубань Холдинг» — «Победа» — 2:0, «Ростов-2» — «Севастополь» — 0:0.
«Кубань Холдингым» текIоныгъэу къыдихыгъэм ишIуагъэкIэ турнир таблицэм пэрытныгъэр щиIыгъ. «Севастополь» ятIонэр, ящэнэрэ чIыпIэр «Победэм» еубы­ты. «Зэкъошныгъэр» я 6-р. Зичэзыу ешIэгъур тикомандэ шышъхьэ­Iум и 30-м Мыекъуапэ щыриIэщт, «Динамо-2-р» тихьа­кIэщт.
Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

  1. «Кубань Холдинг» — 45.
  2. «Севастополь» – 44.
  3. «Победа» — 44.
  4. «Динамо Ставрополь» — 43.
  5. «Ростов-2» — 38.
  6. «Шъачэ-2» — 34.
  7. «Зэкъошныгъ» — 34.
  8. «Нарт» – 33.
  9. «Астрахань» — 33.
  10. «Легион» — 28.
  11. «Рубин Ялта» — 25.
  12. «Ангушт» — 21.
  13. «Спартак-Налщык» — 14.
  14. «Динамо-2» — 2.