Лъэс зекIонымкIэ Iофтхьабзэу «Физкульт-Ура!» зыфиIорэм хэлэжьагъэхэм Мыекъуапэ физическэ культурэмкIэ ыкIи спортымкIэ и Комитет идипломхэр аратыжьыгъэх.

Марафоным нэбгырэ 255-мэ зыщаушэтыгъ, ахэм ащыщэу 105-мэ шапхъэхэр агъэцэкIагъэх, мэфиблым лъэбэкъу мини 100 къакIугъ. Ахэр республикэ стадионэу «Зэкъошныгъэм» щаугъоигъэх ыкIи мэфэкI шIыкIэм тетэу дипломхэр аратыжьыгъэх. Гъэ­хъагъэ зышIыгъэхэм, зипсауныгъэ зыгъэпытагъэхэм къафэгушIуагъ Мыекъуапэ физическэ культу­рэмкIэ ыкIи спортымкIэ и Комитет итхьаматэу Дмитрий Щербаневыр.
ПэшIорыгъэшъэу зэрагъэнэфагъэмкIэ, къыкIэлъыкIорэ мыщ фэдэ Iофтхьабзэ Адыгэ Респуб­ликэм и Мафэ ихэгъэунэфыкIын ехъулIэу (Iоныгъом и 29-м щегъэ­жьагъэу чъэпыогъум и 5-м нэс) рагъэкIокIыщт.