Республикэм и ЛIы­шъхьэу КъумпIыл ­Мурат игукъэкIыкIэ шIэныгъэм и Мафэ, ­хабзэ зэрэхъугъэу, апэрэ классым кIощт кIэлэцIыкIухэм шIухьаф­тынхэр аратыщтых.

Мы Iофтхьабзэм къыдыхэ­лъытагъэу илъэсэу тызыхэтым апэрэу еджапIэм кIощтхэм тхэн-еджэным епхыгъэ пкъыгъохэр зыдэлъ Iалъмэкъыр аратыщт.
А Iофтхьабзэм изыфэгъэ­хьазырын аублэгъах. ИлъэсыкIэ еджэгъум апэрэ классым кIощтхэм яспискэхэр зэхагъэуцогъахэх. Ахэр кIэлэ­цIыкIу мини 6 Iэпэ-цыпэ мэ­хъух. Iалъмэкъ ыкIи канце-
ляр пкъыгъохэу ящыкIэгъэщтхэр зэкIэ къащэфыгъахэх. Ахэр еджапIэхэм атырагощэнхэм пае муниципали­тетхэм аIэкIагъэхьагъэх. Ащ нэмыкIэу шIухьафтын 775-рэ Херсон хэкум арагъэщагъ.
ШIэныгъэм и Мафэ апэрэ классым кIощт кIэлэцIыкIухэм къаратыщт Iалъ­мэкъхэм тетрадьхэр, альбомхэр, шъо зэфэшъхьаф зиIэ къэлэмхэр ыкIи ручкэ­хэр, краскэхэр, тхылъыпIэ зэмышъогъухэр, пластилиныр адэлъыщтых ыкIи нэфынэр къэзытырэ ныбалъэхэр ягъу­сэщтых. ПстэумкIи пкъыгъо 22-рэ мэхъух, дневникри ягъус. Ар республикэм ис кIэлэцIыкIухэу апэрэ классым кIощтхэм атегъэпсыхьагъэу къыдагъэкIыгъ. Урысыемрэ Адыгеимрэ якъэралыгъо тамыгъэхэм ясурэт ыкIи ахэм афэгъэхьыгъэ къэбарыр къаIуатэ. «Си Адыгей» зыфиIорэ IэпыIэгъу тхылъым респуб­ликэм фэгъэхьыгъэ къэбарэу кIэлэцIыкIухэм къашъхьапэн алъэкIыщтыр дэт.

АР-м и ЛIышъхьэ пшъэрылъ зэрафишIыгъэм тетэу мы илъэ­сым кIэлэцIыкIухэм аратыщтхэм ахагъэхьагъэх адыгабзэкIэ къы­дэкIыгъэ тхылъхэу бгъэлэжьын фаехэр зыдэтхэр. «Адыгеим икIэлэцIыкIу литературэ» зыфиIорэ купым ар щыщ, Адыгэ къэралыгъо университетым ите­дзапIэ къыдигъэкIыгъ. Шъугу къэтэгъэкIыжьы: кIэлэцIыкIу тхылъхэм якъыдэгъэкIын ныбжьыкIэхэм чIыпIэ тхакIохэм, сурэтышIхэм афэгъэхьыгъэ къэ­бархэр нахь зэлъягъэшIэгъэнхэм ипрограммэу щыт. Респуб­ликэм и ЛIышъхьэ проектым дыригъэштагъ ыкIи зырагъэу­шъомбгъунэу игъо афилъэгъугъ.
«КIэлэеджакIохэм апэрэ илъэс­хэм къащыублагъэу ялъэныкъо гупсэ итарихъ, икультурэ, ичIыопс ыкIи ишэн-хабзэхэр ашIэнхэм иамал къэзытырэ, мэхьанэшхо зиIэ Iофэу щыт а проектыр. Ащ фэдэ Iофтхьа­бзэхэр кIэлэегъаджэхэмкIи кIэ­лэцIыкIухэмкIи IэпыIэгъушIу зэ­рэхъущтхэм сицыхьэ телъ, тикIэлэцIыкIухэм яхэгъэгурэ яреспубликэрэ афэгъэхьыгъэу ашIэрэр нахьыбэ хъуным иамал ащ къытыщт», — къыIуагъ КъумпIыл Мурат.
Адыгеим и ЛIышъхьэ къызэ­рэхигъэщыгъэмкIэ, еджапIэм апэрэу нэIуасэ фэхъурэ кIэлэцIыкIухэм гушIуагъо къызэрафихьыщтым имызакъоу, илъэс еджэгъум ахэр фэгъэхьазырыгъэнхэмкIи а Iофтхьабзэр унагъохэм IэпыIэгъушIу афэхъущт.
«Апэрэ еджэгъу мафэр адрэ пстэуми атекIы. Апэрэ классым кIохэрэм мыщ фэдэ къашъхьапэщт пкъыгъохэр зыкIяттыхэрэр мэхьанэшхо зиIэ лъэхъанэу ящы­Iэныгъэ къыхэхъухьэрэм кIэлэцIыкIухэми, ны-тыхэми Iэпы­Iэгъу тызэрафэхъурэр ыкIи республикэр ренэу зэрягъусэр зэхашIэным пай. ШIэныгъэм идунай фэкIорэ апэрэ лъэбэ­къухэр фэчэфэу адзынхэмкIэ мы шIухьафтынхэм яшIуагъэ къэрэкIу», — къыIуагъ АР-м и ЛIышъхьэ.
АР-м и ЛIышъхьэ ипресс-къулыкъу