БэнэнымкIэ пчыхьэзэхахьэу «Liga Borec» зыфи­Iорэр Каспийскэ дэт Ордэунэу Али Алиевым ыцIэ зыхьырэм щыкIуагъ.

Турнирым хэлэжьагъ ыкIи гъэ­хъагъэу щишIыгъэмкIэ тигъэгу­шIуагъ тичIыпIэгъу цIэрыIоу, сэнаущыгъэшхо зыхэлъ спортсменэу Шъхьащэкъо Кимэ.
Адыгэкъалэ илIыкIо Дагъыстан испортсменэу Эрелар Фейзуллаевым IукIагъ ыкIи текIо­ныгъэр къыдихыгъ. Спорт бэнэным иветеран анахь лъэшхэм ыкIи лъытэныгъэ зыфашIыхэрэм зэращыщыр, зыми емыгъэпшэн техникэ зэрэIэкIэлъыр Кимэ джы­ри зэ къыгъэшъыпкъэжьыгъ. Ащ тренерхэр ыкIи икомандэ хэтхэр къыфэгушIуагъэх, зэнэкъо­къум еплъыгъэхэр Iэгу къыфы­теуагъэх.
«Liga Borec» изэхэщакIохэм шэпхъэшIухэм адиштэу Iофтхьабзэр рагъэкIокIыгъ. Спортым имэ­фэкI шъыпкъэ хъугъэ пчы­хьэзэхахьэм бэнэныр зыгу ри­хьыхэрэр зэрипхыгъэх.