БоксымкIэ Адыгэ Республикэм ыкIи Краснодар яхэшыпыкIыгъэ командэхэм язэнэкъокъу клубэу «Бульдог» зыфиIорэм щыкIуагъ.

Спортсменхэм зэIукIэгъу 12 яIагъ. Ахэр купищэу гощыгъагъэх: илъэс 13 — 14, 15 — 16 ыкIи 17 — 18 зыныбжьхэр.
АнахьыкIэхэм якуп хэтхэр тIогъогогъо зэIукIагъэх, тIумкIи Адыгеим илIыкIохэм къатекIуагъэх. Илъэс 15 — 16 зыныбжьхэм якуп зыщызыушэтыгъэхэр гъогогъуиблэ зэIукIагъэх, щыр республикэм илIыкIохэм къахьыгъ. Алан Барсикян, Никита Масленниковыр ыкIи Валерий Назриевыр къахэщыгъэх. Нахьыжъхэм якуп пштэмэ, боксерхэм язэIукIэгъуитIури Адыгеир къэзыгъэлъэгъуагъэхэм къахьыгъэх. Зэфэхьысыжьхэм къызэрагъэлъэгъуагъэмкIэ, Краснодар ихэшыпыкIыгъэ командэ 7:5-у текIоныгъэр къыдихыгъ.