СамбэмкIэ зэнэкъокъоу «Лига самбо Южный Рубеж» зыфиIорэм ия IV-рэ едзыгъо псэупIэу Динскаям щыкIуагъ.

Хабзэ зэрэхъугъэу, Адыгеим ибэна­кIохэм гъэхъэгъэшIухэр ашIыгъэх, те­кIоныгъэр ыкIи хагъэунэфыкIырэ чIыпIэхэр къыдахыгъэх.
Батмэн Амин, Хъот Тамирлан, Цэй Алый, Хьабэхъу Салбый, ЛIыбзыу Заур, Бэгъ Салим текIоныгъэр къыдахыгъ. Къэрэбэш Заурбый, Хьакъуй Эльдар, Денис Фролкиныр, Дмитрий Чарыкиныр, Блэгъожъ Астемир, Нэныжъ Салим ятIонэрэ хъугъэх. Ныбэ Аслъан, Батмэн Артур, Хьаджэкъо Дамир, ЕмтIылъ Батырбый, Апыщ Ислъам, Магомед Батиевым, Гор Варданян ящэнэрэ чIыпIэхэр къафагъэшъошагъэх.
Спортсменхэм ыкIи ахэр зыгъэсэхэрэ А. Делэкъом, А. Гъомлэшкым, Р. Джа­рымэкъом, А. Джарымэкъом, А. Хьабэ­хъум, Б. Шъэумэным, С. Мэрэтыкъом, Б. Нэныжъым тафэгушIо, та­пэкIи мыщ фэдэ гъэхъэгъэшIухэр ашIынхэу афэтэIо.