Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!
Урысые Федерацием и Къэралыгъо быракъ и Мафэ фэшI тышъуфэгушIо!
Быракъыр, гербымрэ гимнымрэ ягъусэу, къэралыгъом, Урысыем щыпсэурэ цIыф лъэпкъ зэфэшъхьафхэм языкIыныгъэ итамыгъ. Урысые быракъыр лIэшIэгъубэ зэпызычыгъэ культурэ шэн-хабзэхэм, IофшIэнымрэ заомрэ ащызэрахьэгъэ блэнагъэм, наукэмрэ спортымрэ алъэныкъокIэ гъэхъагъэу ашIыгъэхэм янэпэеплъэу щыт.
Урысыер анахь зэрыгушхохэрэмэ ащыщ ТекIоныгъэм и Быракъ Плъыжь. 1945-рэ илъэсым жъоныгъуакIэм и 1-м Берлин рейхстагыр зычIэт унэм ышъхьагъ щагъэIэгъагъ. ЦIыф лъэпкъ зэфэшъхьафыбэмэ я ТекIоныгъэ итамыгъэу ар хъугъэ. Мы илъэсым хэдгъэунэфыкIыгъ ТекIоныгъэшхом ия 80-рэ илъэс.
Джырэ лъэхъэнэ гумэкIыгъоми ти Къэралыгъо быракъ нахь тызэкъуегъэуцо, ти Хэгъэгушхо къырыкIощтымкIэ типшъэдэкIыжь зэрэиныр нахь куоу зэхытегъашIэ.
Непэ ти Къэралыгъо быракъ тычIэтэу Украинэм инеонацистхэм тапэуцужьы, тихэгъэгогъухэр къэтэухъумэх, тарихъыр зэпырызгъэзэнэу фежьагъэхэм тапэшIуекIо. Урысые Федерацием и Президентэу Владимир Путиныр типащэу Урысыер дунэе къэралыгъо зэтегъэпсыхьэгъэ кIочIэшхоу ренэу щытыным тыфэлажьэ.
ТичIыпIэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ ублэпIэ пстэуми гъэхъэгъакIэхэр ащышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр