Шы спортымкIэ зэнэкъокъоу Чэчэн Республикэм икъэлэ шъхьаIэ щыкIуагъэм Адыгэ Республикэр къэзыгъэлъэгъогъэ шым текIоныгъэ къыщыдихыгъ.

Лъэныкъоу «Критериум» зыфиIорэм игъогууанэу метрэ 1000 хъурэм ши 8 къыщызэдэчъагъ, ахэм аныбжь илъэси 2-м къыщегъэжьагъ ыкIи нахьыжъых, инджылыз къэгъэчъэш лъэпкъыгъэх.
Адыгеир къэзыгъэлъэгъуагъэр Кубэщыч Анзор ишэу Джамилэ Маф, ащ тесыгъэр Пщыжъ СултIан. Мы шымкIэ зэнэкъокъур япшIэнэрэ хъугъэ ыкIи яблэнэрэ текIоныгъэ къыдихыгъ. Къалэу Грознэм иипподромэу Закаевым ыцIэ зыхьырэм тиш гъэхъэгъэшIу зэрэщи­шIыгъэм ишIуагъэкIэ сомэ миллионрэ ныкъорэ къыфагъэ­шъошагъ. ЯтIонэрэ ыкIи ящэнэрэ чIыпIэхэр къахьыгъэх Ростов ыкIи Волгоград хэкухэр къэ­зыгъэлъэгъогъэхэ Долинамрэ Стар Бьютирэ.