Адыгеим иныбжьыкIэхэм я Союз илIыкIомэ тхылъ цIыкIухэу гъогур щынэгъончъэным ишапхъэхэр агу къэзыгъэкIыжьыхэрэр машинэхэр зезыфэхэрэм аратыгъэх.

Республикэм иикъэлэ шъхьаIэ игъогухэм Адыгеим иныбжьыкIэхэм я Союз илIыкIохэмрэ къэралыгъо автоинспекторхэмрэ зэгъусэхэу атехьагъэх, щынэгъон­чъэным ишапхъэхэр бэмэ зэраукъорэм, ащ епхыгъэ гумэкIыгъохэм общественностым анаIэ тырарагъэдзэ­ным фэгъэхьыгъэ Iофтхьабзэр зэрахьагъ, автомобильхэр зезыфэхэрэм гущыIэгъу афэхъугъэх.
ГъогурыкIоным ишапхъэхэр агъэцэкIэнхэу, гъогу зэпырыкIыпIэхэм ащысакъынхэу автомобилистхэм къяджагъэх. Джащ фэдэу лъэсрыкIохэми ахэм зафагъэзагъ, зэпырыкIыпIэ чIыпIэхэр агъэфедэхэмэ, мэзэхэ уахътэм къэнэфырэ пкъыгъохэр ящыгъынхэм атедагъэхэмэ зэрагъэшIагъ, щыкIагъэхэр дагъэзыжьхэмэ зэрэнахьышIур агурагъэIуагъ.
Полицейскэхэри Iофтхьабзэм чанэу къыхэлэжьа­гъэх: ешъуагъэхэу транспортыр агъэзекIо зэрэмыхъущтыр, щынэгъончъэ бгырыпхымкIэ тIысыпIэм зырапхыхьан зэрэфаер, псынкIащэу чъэхэ зэрэмыхъущтхэр водительмэ агу къагъэкIыжьыгъ.
Общественнэ организациеу «Адыгеим иныбжьыкIэхэм я Союз» зэхигъэуцогъэ тематическэ тхылъ цIыкIухэр водительмэ агу рихьыгъэх.
Къэралыгъо автоинспекцием икъулыкъушIэхэр ныбжьыкIэмэ афэрэзагъэх, ахэм гъогур щынэгъончъэ­ным анаIэ зэрэтырагъэтырэм, республикэм игъогухэм атехъухьэрэ хъугъэ-шIэгъэ тхьамыкIагъохэр нахь макIэ шIыгъэнхэм яIахь зэрэхалъхьэрэм апае «тхьашъуегъэ­псэу» араIуагъ.