Адыгеим, зэрэ Урысые фэдэу, шышъхьэIум и 18-м къыщегъэжьагъэу и 24-м нэс шъон пытэхэр щыгъэзыегъэнхэм итхьамафэ щэкIо. Мыщ хахьэу ыпкIэ зыхэмылъ «линие плъырым» иномерэу 8(800) 200-0-200-м Iоф ешIэ.

Ащ нэмыкIэу, наркотикхэм ыкIи ешъоным апыщагъэхэр щыIэныгъэм хэгъэгъозэжьыгъэнхэм фэIорышIэу социальнэ реабилитациемкIэ программэм Адыгэ Республикэм Iоф щешIэ. Ащ къызэрэдыхэлъытагъэмкIэ, программэм хэлажьэхэрэр щыIэныгъэм хэгъэгъозэжьыгъэнхэмкIэ ыпкIэ зыхэмылъ сертификат араты, гущыIэм пае, мэзихым телъытагъэу ар сомэ мин 225-рэ мэхъу.
АР-м IофшIэнымкIэ ыкIи социальнэ хэхъоныгъэмкIэ и Министерствэ къызэрэщаIуагъэмкIэ, 2017-рэ илъэсым къыщегъэжьагъэу нэбгырэ 18-мэ сертификатыр къызфагъэфедагъ. Ащ ишIуагъэкIэ ахэр щыIэныгъэм хэгъозэжьыгъэх, наркотикхэр ыкIи шъоныр чIадзыжьын алъэкIыгъ. Мы мафэм ехъулIэу джыри нэбгыритIумэ реабилитациемкIэ Гупчэм курсхэр щакIух.
2025-рэ илъэсым мыкъэралыгъо организациехэм яреестрэ хагъэхьагъ пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Начало» зыфи­Iоу Краснодар дэтыр. Ащи зыщагъэхъужьын алъэкIыщт.