Атлетикэ онтэгъумкIэ Урысыем ичемпионат къалэу Санкт-Петербург щыкIуагъ.

Мыщ хъулъфыгъэ ыкIи бзылъфыгъэ командэ анахь лъэшхэр хэлэжьагъэх. Мы спорт лъэп-
къыр къэралыгъом зыщызэха­щагъэр мыгъэ илъэси 140-рэ хъугъэ, апэрэ турнирыр Петер-­
бург и Михайловскэ манеж щырагъэкIокIыгъагъ, нэужым а чIы­пIэм КIымэфэ стадион щагъэ­псыгъ. Лъэпкъ чемпионатхэр зы­щызэхащэхэрэ 1932-рэ илъэсым къыщебгъажьэмэ (Хэгъэгу зэошхом иилъэсхэм ахэр рагъэ­кIокIыгъэхэп), мыгъэрэ зэнэкъо­къур яшъэнэрэ хъугъэ.
Атлетикэ онтэгъумкIэ Дунэе федерацием мы спорт лъэпкъым ишапхъэхэм зэхъокIыныгъэхэр афишIыгъэх ыкIи 2025-рэ илъэсым мэкъуогъум и 1-м къыще­гъэжьагъэу ахэм кIуачIэ яIэ
хъу­гъэ. Джы а шIыкIакIэм тетэу зэ­нэкъокъухэр рагъэкIокIыщтых.

Санкт-Петербург щыкIогъэ зэ­нэкъокъум дэгъоу зыкъыщигъэлъэгъуагъ Кощхьэблэ спорт еджа­пIэм щагъэсагъэу, спортымкIэ дунэе класс зиIэ мастерэу Бзэсэжъ Аслъан. Джырэ уахътэм ащ итренерыр Сихъу Аслъан, зэнэ­къокъухэм Мыекъуапэ защыфегъэхьазыры. Килограмм 67-м нэс къэзыщэчыхэрэм якуп ащ зыщиушэтыгъ, «рывокымкIэ» килограмми 128-рэ къыIэтыгъ ыкIи тыжьын медаль къыхьыгъ. ЕкIо­лIэгъуитIумкIэ килограмм 278-рэ къыIэтыгъ ыкIи яплIэнэрэ чIыпIэр къыдихыгъ. ТекIоныгъэр къы­дихыгъ Краснодар краимрэ Ульяновскэ хэкумрэ къэзыгъэ­лъэгъогъэ Альберт Шарковым, ащ екIолIэгъуитIум килограмм 295-рэ къыIэтыгъ.