Iофтхьабзэр ыкIэм фэкIуагъ
Лъэс зекIонымкIэ Iофтхьабзэу «Физкульт-Ура» зыфиIорэр ыкIэм фэкIуагъ. Ар физкультурникым и Мафэ фэгъэхьыгъагъ ыкIи зипсауныгъэ зыгъэпытэ зышIоигъо нэбгырэ 253-рэ хэлэжьагъ.
ЗэхэщакIохэм зэрагъэнэфагъэу, зызыушэты зышIоигъохэм тхьамафэм лъэбэкъу мини 100 къакIун фэягъ, шапхъэр зыгъэцэкIагъэр нэбгыри 110-рэ. Ахэм зэкIэми Мыекъуапэ физическэ культурэмкIэ ыкIи спортымкIэ и Комитет идипломхэр ыкIи ишIухьафтынхэр афагъэшъошэщтых.
Марафоным ишIуагъэкIэ япсауныгъэ агъэпытэн, лъэс зекIоным мэхьанэу иIэр къагурыIон зэралъэкIыгъэр ащ хэлэжьагъэхэм хагъэунэфыкIыгъ. Iофтхьабзэм ныбжь ыкIи сэнэхьат зэфэшъхьафхэр зиIэхэр зэрипхыгъэх.
Мыекъуапэ физическэ культурэмкIэ ыкIи спортымкIэ и Комитет къызэрэщыхагъэщыгъэм-
кIэ, мыщ фэдэ Iофтхьабзэхэр тапэкIи зэхащэщтых.