Адыгэ Республикэм хэгъэгу кIоцI IофхэмкIэ и Министерствэ игъогу-патруль икъулыкъу­шIэхэм Кощхьэблэ районым пэшIорыгъэшъ Iофтхьабзэхэр щырагъэкIокIызэ мы чIыпIэм
щыпсэурэ хъулъфыгъэу мопедыр зыгъэIоры­шIэщтыгъэр къагъэуцугъ.

Полицием иIофышIэхэм ащ итхылъхэр ауплъэкIухэзэ, ешъуа­гъэу егуцэфагъэх. Нэужым зэ­хэфынэу зэхащагъэхэм ар къа­гъэшъыпкъэжьыгъ.
Зэфэхьысыжьхэм къызэра­гъэлъэгъуагъэмкIэ, мэзитIукIэ узэкIэIэбэжьымэ мопедым тесыгъэм мыщ фэдэ хэбзэу-къоныгъэ зэрэзэрихьагъэм ­къы­хэкIэу пшъэдэкIыжь рагъэ­хьыгъагъ. Джащ фэдэу транспортыр ыгъэIорышIэнымкIэ фитыныгъэр хьыкумым Iихы­гъагъ.
Унашъоу щыIэм диштэу мопедыр зием Iахыгъ, ар хэушъхьа­фыкIыгъэ гъэуцупIэм ащагъ.
Урысые Федерацием и Уголовнэ кодекс ия 264.1-рэ статья иа 1-рэ Iахь къызэрэдилъытэу, хъулъфыгъэм ылъэныкъокIэ уголовнэ Iоф къызэIуахыгъ. Хэбзэгъэуцугъэм къызэрэди­лъытэу, илъэситIум нэс хьапс тыралъхьан алъэкIыщт.