Лъэс зекIонымкIэ Iофтхьабзэу «Физкульт-Ура!» зыфиIорэм цIыфыбэ хэлажьэ. Мыр зэнэкъокъоу зэрэщытым дакIоу, лъэсэу къэзыкIухьэ ыкIи зи­псауныгъэ зыгъэпытэ зышIоигъохэмкIэ мэфэкI шъыпкъ.

2020-рэ илъэсым къыщегъэ­жьагъэу Мыекъуапэ физическэ культурэмкIэ ыкIи спортымкIэ и Ко­митет мыщ фэдэ Iофтхьабзэхэр зэхещэх. Республикэм икъэ­лэ шъхьаIэ имызакъоу, шъолъырым имуниципалитетхэм ыкIи Уры­сыем икъэлэ зэфэшъхьафхэм ащыпсэухэрэм зэнэкъокъум зыщаушэтын алъэкIыщт. Ащ ухэлэжьэным пае лъэбэкъоу пшIырэр къэзылъытэрэ приложениеу «Шаги Вконтакте» зыфиIорэр смартфоным тебгъэуцон фае.
ЗэхэщакIохэм зэрагъэнэфа­гъэмкIэ, Iофтхьабзэм хэла­жьэ­хэрэм тхьамафэм лъэбэкъу мини 100 къакIун фае. Джырэ уахътэм ахэм япчъагъэ нэбгырэ 253-рэ мэхъу, апэрэ мафэм 39-мэ пшъэ­рылъыр агъэцэкIагъ. Анахь къа­хэщыгъэхэр Ирина Плетневамрэ Елена Смирновамрэ. Зэфэхьысыжьхэм афэгъэхьыгъэ къэбархэр мафэ къэс социальнэ хъытыухэм къарэхьэх.
Iофтхьабзэм хэлажьэхэрэр гъэхъагъэу ашIыгъэхэмкIэ зэдэгуащэх, упчIэжьэгъу зэфэхъужьых, ныбджэгъукIэхэр агъотых. Пстэуми пшъэрылъ шъхьаIэу яIэр япсау­ныгъэ агъэпытэныр ары.