Урысыем иныб­жьыкIэхэм я Спартакиадэ Аст­рахань щыкIуагъ. Ганд­болымкIэ Адыгэ Республикэм ихэ­шыпыкIыгъэ командэ яенэрэ чIыпIэр къыдихыгъ. Ащ иешIэкIо анахь дэгъоу къыхагъэщыгъэр къэлэпчъэIутэу Ольга Черни­цо­вар ары.

Къэралыгъом ишъолъыр зэ­фэшъхьафхэм якомандэ анахь лъэши 10 зэнэкъокъум хэлэ-­
жьагъ. Адыгеир къэзыгъэлъэгъуа­гъэр «АГУ-Адыиф-2» зыфиIорэр ары. Типшъашъэхэм зэIукIэгъуих яIагъ, тIум текIоныгъэр къащыдахыгъ, адрэхэр ашIуахьыгъэх. Яблэнэрэ чIыпIэм фэбэнагъэх, ау Ставрополь краим иганд­болисткэхэр 29:21-у къатекIуа­гъэх.
Москва икомандэ текIоныгъэр къыдихыгъ. Ар финалым Ростов хэкум щыIукIагъ ыкIи 27:20-у ешIэгъур къышIуихьыгъ. Ящэнэрэ чIыпIэр Московскэ хэкум фагъэшъошагъ, ар Самарскэ хэкум нахь лъэшыгъ, пчъагъэр — 39:34.

Астрахань щыкIогъэ Спарта­киадэр гандболым имэфэкI шъып­къэ хъугъэ. ЗэхэщакIохэм ащ дэгъоу зыфагъэхьазырыгъ ыкIи рагъэкIокIыгъ. Мы спорт лъэп­къым зыгу рыхьыхэрэр ныбжьыкIэ командэ анахь лъэшхэм яешIэгъухэм яплъынхэ, ащ уасэ афашIын амал яIагъ. Джащ фэдэу къэралыгъом ишъолъыр зэ­фэшъхьафхэм ятренерхэм ыкIи яспортсменхэм IэпэIэсэ­ныгъэу аIэкIэлъымкIэ зэхъожьынхэ ­алъэкIыгъ.