Адыгеим зыкI мэкъэтыным имафэ зыфегъэхьазыры. Ар 2025-рэ илъэсым Iоныгъом и 14-м щыIэщт.

Мы мафэм республикэм хэ­дзын тедз щыкIощтыр, Тэхъутэмыкъое район муниципальнэ образованием инароднэ де­путатхэм я Совет идепутат хадзыщт.
АР-м хэдзынхэмкIэ и Гупчэ комиссие къызэриIуагъэмкIэ, депутат хъунэу фэе нэбгыри 6-мэ зыкъагъэлъэгъуагъ. Ахэм ащыщэу тIумэ — ежь-ежьырэу, адрэхэр политическэ партиехэу «Единэ Россием», ЛДПР-м, КПРФ-м ыкIи «Новые люди» зыфиIохэрэм нэбгырэ зырызэу къагъэлъэгъуагъ.
— Тэхъутэмыкъое районым ит къэлэ гъэпсыкIэ зиIэ псэупIэу Яблоновскэм, поселкэу Перекатнэм ыкIи къуаджэу АдыгеякIэм ащыпсэурэ нэбгырэ мини 9,5-рэ хэдзыным хэлэжьэнхэ фитых. Ахэр хэдзын чIыпIэхэу NN 207-м, 216-м, 277-м, 278-м, 279-м, 280-м якIолIэнхэ алъэкIыщт, — къыщаIуагъ АР-м хэдзынхэмкIэ и Гупчэ комиссие.