ГъогурыкIоныр щынэгъончъэнымкIэ АР-м и Къэралыгъо автоинспекцие иIофышIэхэм кIэлэцIыкIу зыгъэпсэфыпIэ лагерьхэм десэхэр ащы­зэхащагъэх.

Гъогум тхьамыкIагъохэр къы­щымыхъунхэм тегъэпсыхьэгъэ Iофтхьабзэхэр зыныбжь имы­къугъэхэм апае гъэмэфэ уахътэм инспекцием икъулыкъушIэ­хэм зэхащэх. Адыгеим щыщ ыкIи Херсон хэкум къикIыгъэ кIэлэцIыкIухэм десэхэр къа­шъхьапэнэу, зэнэкъокъу ыкIи джэгукIэ шIыкIэхэр хэтэу, языгъэпсэфыгъо уахътэ зыщагъэ­кIорэ лагерэу «Лань» щырагъэ­кIокIыгъэх. Зыгъэпсэфыгъо уахътэм кIэлэцIыкIухэр гъогум тетхэ хъумэ, нахьыбэрэ мэплъэ­хъух, гъогурыкIоныр щынэгъончъэнымкIэ шапхъэхэр аукъох — ар Къэралыгъо автоинспекцием иIофышIэхэм агъэунэ­фыгъэу щыт. Автомобильхэр зэрыкIорэ гъогум зэпырыкIыхэ хъумэ, къэнэфырэ пкъыгъо­хэр ящыгъынхэм ыкIи яIалъ­мэкъхэм зэрахэлъынхэ фаер къулыкъушIэхэм кIэлэцIыкIухэм агу къагъэкIыжьыгъ. Кушъхьэфачъэхэм, электросамокатхэм атесхэ хъумэ гъогурыкIоным ишапхъэхэу зэрыгъозэнхэ фае­хэм ягугъу ашIыгъ.