Кощыныр хэбзэнчъэу зэхэзыщэгъэ бзылъфы­гъитIум яIоф хьыкумым зэхифыщт.

Урысыем и Следственнэ ко­митет ишъолъыр следственнэ гъэIорышIапIэ и Мыекъопэ район отдел икъулыкъушIэхэм рес­публикэм щыпсэурэ бзылъ­фы­гъэхэм алъэныкъокIэ къызэ­Iуахыгъэ уголовнэ Iофыр зэ­хафыгъ.
ЗэрагъэунэфыгъэмкIэ, 2025-рэ илъэсым Мыекъопэ районым ит псэупIэу Абдзэхэхьаблэ щыпсэурэ бзылъфыгъитIум Iэ­кIыб къэралыгъохэм къары­кIыгъэхэр кощын IофхэмкIэ къулыкъум иучет хэгъэуцо­гъэнхэм шапхъэу пылъхэр аукъуагъэх, хэбзэнчъэу Уры­сыем къи­хьагъэм итхылъ нэпцI­хэр ащ фэгъэзэгъэ къулыкъум IэкIагъэхьагъэх.
Урысыем щынэгъончъэнымкIэ и Федеральнэ къулыкъу АдыгеимкIэ и ГъэIорышIапIэрэ УФ-м хэгъэгу кIоцI IофхэмкIэ и Министерствэ иотделэу Мыекъопэ районым щыIэмрэ яшIуагъэкIэ хэбзэнчъэу зекIуагъэхэр къаубытыгъэх.
НэбгыритIум лажьэ зэряIэр зэрыт тхьапэр Мыекъопэ районым ипрокурор хьыкумым IэкIигъэхьагъ, джы ащ Iофыр зэхифыщт.
Урысыем щынэгъончъэнымкIэ и Федеральнэ къулыкъу АдыгеимкIэ и ГъэIорышIапIэ ипресс-къулыкъу.