ИчIыгу Iахьхэм ыкIи исчет илъ ахъщэм ягъэфедэнкIэ хьыкумым пэрыохъоу къыгъэ­уцугъэхэр тырахыжьынхэм фэшI хэбзэIахьхэмкIэ чIыфэшхоу телъыгъэр Адыгэкъалэ щыпсэурэ хъулъфыгъэм къыпщыныжьыгъ.

Хьыкумым унашъоу ышIыгъэм диштэу хэбзэIахьхэмкIэ чIыфэу зэIуигъэкIагъэр (сомэ миллионрэ мин 400-рэ) къытыжьын фэягъ. Ащ къыдыхэлъытагъэу хьыкум приставхэм якъулыкъу икъутамэу Адыгэкъалэрэ Теуцожь районымрэ ащыIэм Iоф къызэIуихыгъ.
Хъулъфыгъэм мылъкоу IэкIэлъыр агъэунэфызэ, ащ чIыгу IахьиплI тетхагъэу къыхагъэщыгъ. Хьыкумым унашъоу ышIыгъэм ыкIи хьыкум приставым Iофэу къызэIуихыгъэм къагъэнэфэрэ пшъэры­лъыр зимыгъэцакIэкIэ ичIыгу Iахьхэм къарыкIон ылъэкIыщтыр ащ къыгуры­Iуагъ ыкIи псынкIэу чIыфэр къыпщыныжьыгъ. АщкIэ Iофыр зэфашIыжьыгъ.
Хьыкум приставхэм я Федеральнэ къулыкъу и ГъэIорышIапIэу Адыгеим щыIэм джыри зэ шъугу къегъэкIыжьы чIыфэ шъутелъымэ зэжъугъэшIэн ыкIи игъом къэшъупщыныжьын зэрэфаер. Къулы-­
къум иофициальнэ сайтэу ­«r01.fssp.gov.ru» зыфиIорэм шъуихьэмэ, нахь игъэкIотыгъэ къэбарыр ижъугъотэщт.