Санитар-эпидемиологие шапхъэхэр зэраукъуагъэхэм фэгъэхьыгъэу хьыкумым административнэ унашъоу ышIыгъэр хьыкум приставхэм я Мыекъопэ къэлэ отдел икъулыкъушIэхэм агъэцэ­кIагъ — шхэпIитIум яIофшIэн къызэтырагъэуцуагъ.
Ащ епхыгъэу шышъхьэIум и 11-м хьыкум приставхэм шхапIэхэм яIофшIэн шIокI имыIэу къызэтырагъэуцон фаеу зэрыт тхьапэр къаIэкIэхьагъ, а мэфэ дэдэм пшъэрылъыр агъэцэкIэнэу фежьагъэх. Мыекъопэ къэлэ хьыкумым унашъоу ышIыгъэм къызэрэщиIорэмкIэ, унэе предпринимательхэм административнэ хэбзэукъоныгъэ зэрахьагъ. Ащ къыды­хэлъытагъэу яIофшIэн чэщ-зымэфэ ­90-кIэ зэпагъэугъ.
Унашъор замыгъэцакIэкIэ, административнэ пшъэдэкIыжь зэрарагъэхьын алъэкIыщтыр унэе предпринимательхэм агурагъэIуагъ. Ар зэшIохыгъэ зэрэхъурэм хьыкум приставхэр лъыплъэщтых.
Хьыкум приставхэм я Федеральнэ къулыкъу АР-мкIэ
и ГъэIорышIапIэ ипресс-къулыкъу.