Къэралыгъо автоинспекцием икъулыкъушIэхэр Красногвардейскэ районым икIэлэеджакIохэм аIукIагъэх ыкIи гъогурыкIоныр щынэгъончъэным фэгъэхьыгъэу зэдэгущыIэгъухэр адашIыгъэх.

Инспекторхэм анахьэу анаIэ зытырагъэтыгъэр езыгъэжьэгъэкIэ водительхэм апкъ къикIэу гъогу-транспорт хъугъэ-шIагъэхэр къэмыгъэхъугъэнхэр ары. Районым гъогу хъугъэ-шIагъэу къыщыхъугъэ­хэр зыфэдэхэм водитель ныбжьыкIэхэр ащагъэгъозагъэх, джащ фэдэу мы аужырэ уахътэм авариеу гъогухэм къа­техъухьагъэхэм лъапсэ афэхъугъэр къафаIотагъ.
Инспекторхэм ныбжьыкIэхэм агу къагъэкIыжьыгъ шъон пытэхэм яшъуагъэхэу ыкIи наркотикхэр къызфагъэфедагъэу рулым IутIысхьэхэ зэрэмыхъущ­тыр, ащ уголовнэ пшъэдэкIыжь зэрэпылъыр. Машинэм изефэн зыфэзыгъа­сэхэрэм сакъыныгъэ гъогум къыщызхагъэфэнэу, гъогурыкIоным ишапхъэхэр амыукъонхэу къяджагъ.
Зыгъэхьазырыгъэр КIАРЭ Фатим.