Илъэс 26-м нэмысыгъэ бзылъфыгъэхэу сабый къызфэхъугъэхэм IэпыIэгъу афэхъунхэм фэшI ахъщэ тедзэу сомэ миллиони 5 аратынэу къатIупщыгъ.

Ны ныбжьыкIэхэу апэрэ ыкIи ятIонэрэ сабый къыз­фэхъухэрэм IэпыIэгъукIэу щыIэ хъугъэр Адыгеим щаратэу аублагъ. АР-м икъэралыгъо программэу «ЦIыфхэм соци­альнэ IэпыIэгъу ягъэгъотыгъэныр» зыфиIорэм къызэрэди­лъытэу, 2025-рэ илъэсым сомэ миллион 33,3-рэ а лъэныкъом пэIуагъэхьащт. Непэрэ мафэм ехъулIэу сомэ миллиони 5,1-рэ агощыгъах.
Сомэ мин 25-рэ хъурэ зэ­тыгъо ахъщэ IэпыIэгъур зэ­ратыхэрэр бзылъфыгъэхэу зыныбжь илъэс 26-м нэмысыгъэу апэрэ, ятIонэрэ сабый къызфэхъугъэхэу Адыгеим и ЗАГС щатхыгъэхэр ары.
Джащ фэдэу жъоныгъуакIэм и 1-м 2025-рэ илъэсым щыубла­гъэу кIэлабэ зиIэ унэгъо ныбжьыкIэхэм апае Адыгеим зэтыгъо ахъщэ IэпыIэгъоу сомэ мин 300 щараты. Илъэс 35-м нэмысыгъэ ны-тыхэу ящэнэрэ е ащ къыкIэлъыкIорэ сабый къыз­фэхъухэрэм ар афатIупщы. Са­быеу мыгъэ жъоныгъуакIэм и 1-м щыублагъэу Адыгеим къыщыхъугъэхэр ыкIи ЗАГС-м щатхыгъэхэр ары ахъщэ Iэпы­Iэгъум къыхиубытэхэрэр.