Iахьзэхэлъ обществэу «Россети Кубань» зыфиIорэм и Адыгэ къутамэ иэнергетикхэм Мыекъопэ районым ит псэупIэу Красно­октябрьскэм щагъэпсыгъэ врач амбу­лато­рия­кIэм электричествэр пашIагъ.

Псауныгъэм икъэухъумэн иучреждение кВт 35-рэ кIуачIэ зиIэщт инфраструктурэр иIэ хъугъэ.
Социальнэ псэуалъэу мы псэупIэм дэс цIыфхэм врач, медико-санитар IэпыIэгъу псын­кIэр зэрагъэгъотынымкIэ зи­шIуагъэ къэкIощтыр къэралыгъо программэу «Псауныгъэм икъэухъумэн ипэублэ органи­зациехэр гъэкIэжьыгъэнхэр» зы­фиIорэм диштэу ашIыгъ.
Электрическэ хъытыухэм ыпэкIэ апашIэгъагъэхэм ащыщых Мыекъопэ районымкIэ псэупIэхэу Абдзэхэхьаблэрэ Победэмрэ, Красногвардейскэ районымкIэ къутырэу Садовэм, Шытхьэлэ районымкIэ псэупIэ­хэу Нижневеденеевскэм, Восточнэм, къутырэу Долгогусевскэм адэт врач амбулаториехэр. Зэхэубытагъэу псэуалъэхэу зигугъу къэтшIыгъэхэм аIэкIа­хьэрэр кВт 165-м ехъу.
«Россети Кубань» шъугу къе­гъэкIыжьы: электрическэ хъытыухэм апашIэнхэм пае лъэIу тхылъхэр «Портал-ТП.рф» зыфиIорэмкIэ аIэкIэжъугъэхьанхэ шъулъэкIыщт. Ащ нэмыкIэу телефонэу 8-800-220-0-220-мкIэ шъутеоми хъущт (УрысыемкIэ ыпкIэ хэмылъэу шъутеон шъу­лъэкIыщт).