ЦIыфыбэ зэрищэлIагъ
Красногвардейскэ районым пчэдыжь общественнэ гимнастикэ щыкIуагъ.
Къэзэрэугъоигъэ цIыфхэм шIуфэс гущыIэхэмкIэ зыкъыфигъэзагъ муниципалитетым ипащэу Гъубжьэкъо Темур. Мы гухэлъым пшъэрылъ шъхьаIэу иIэр цIыфхэм япсауныгъэ агъэпытэныр, ащкIэ пчэдыжь гимнастикэм мэхьанэшхо зэриIэр агурыгъэIогъэныр ары.
Iофтхьабзэм цIыфыбэ зэрищэлIагъ. Къэзэрэугъоигъэхэм ахэтыгъэх сабыйхэр зигъусэ унагъохэр. Ахэр орэдхэм акIэдэIукIхэзэ упражнениехэр ашIыгъэх. Гъубжьэкъо Темур къызэриIуагъэмкIэ, мыщ фэдэ Iофтхьабзэхэр район администрацием тапэкIи зэхищэщтых. Ахэм яшIуагъэкIэ спортым пыщэгъэ цIыфхэм япчъагъэ хэхъощт.
Iофтхьабзэм хэлэжьагъэхэр зэхэщакIохэм афэрэзагъэх, пчэдыжь гимнастикэр ящыIэныгъэ пытэу зэрэхэуцощтыр бэхэм хагъэунэфыкIыгъ.