Купи 5 хэлэжьагъ
Мыекъуапэ иIофшIэкIо купхэм я Спартакиадэ ыкIэм фэкIуагъ.
Ар мазэ фэдизрэ кIуагъэ ыкIи коллективи 5 хэлэжьагъ. Iофтхьабзэм зыщызыушэтыгъэхэр волейболымкIэ, есынымкIэ, щэрыонымкIэ, теннис цIыкIумкIэ, шахматхэмкIэ ыкIи дартсымкIэ зэнэкъокъугъэх.
Зэфэхьысыжьхэм ялъытыгъэу унэе ыкIи команднэ зэнэкъокъухэм текIоныгъэр ыкIи хагъэунэфыкIырэ чIыпIэхэр къащыдэзыхыгъэхэр къэнэфагъэх. Апэрэу командищмэ очко зэфэдиз рагъэкъугъ. Ау волейболымкIэ, есынымкIэ ыкIи шахматхэмкIэ пэрытныгъэр зыубытыгъэ Мыекъуапэ гъэсэныгъэмкIэ и Комитет текIоныгъэр фагъэшъошагъ. ЯтIонэрэ чIыпIэр МБДОУ-у N 37-м къыдихыгъ, Адыгеим гигиенэмрэ эпидемиологиемрэкIэ и Гупчэ ящэнэр.