ШышъхьэIум и 1-м Адыгэ Республикэм и Апшъэрэ хьыкум щыкIуагъ мэфэкI Iофтхьабзэу зэгъэшIужь хьыкумышIхэм ятхылъхэр ятыжьыгъэнхэм ыкIи тхьэлъанэ къатыным фэгъэхьыгъэр.

Мыекъуапэ ихьыкум участкэу N 7-м изэгъэшIужь хьыкумышIэу Гъурыжъ Адамрэ Красногвардейскэ районым ихьыкум участкэу N 2-м изэгъэшIужь хьыкумышIэу Даур Оксанэрэ тхьэлъанэ къатыгъ япшъэрылъхэр еIолIэнчъэу, зафэу, хэбзэгъэуцугъэмрэ цIыфыгъэмрэ арыгъуазэхэзэ зэрагъэцэкIэщтхэмкIэ.
Тхылъхэу яфитыныгъэхэм яшыхьатхэр аритыжьыгъэх АР-м и Къэралыгъо Совет – Хасэм и Тхьаматэ игуадзэу Цэй Эдуард. «ЗэгъэшIужь хьыкумышI IэнатIэм шъузэрэIухьагъэмкIэ сышъуфэгушIо! Ар щытхъу зыхэлъэу зэрэщытым имыза­къоу, пшъэдэкIыжь ини пылъ. Шъо унашъоу шъушIырэм елъытыгъ цIыфхэм къарыкIощтыр ыкIи зэфагъэм шIошъхъуныгъэу фыряIэщтыр. ШъуиIофшIэнкIэ шIэныгъэ куухэр шъуиIэнхэу, щэIагъэ къышъухэ­фэнэу, хэбзэ зафэм шъурыгъозэнэу сышъуфэлъаIо. Сэнэхьатым хэшIыкIэу фышъуиIэм гъэхъагъэхэр къыкIэлъы­рэкIох, шъуиунашъохэр орэзафэх. Зыщышъумыгъэгъупш Iоф пэпчъ ыкIыб цIыфым ищыIэныгъэ зэрэдэтыр», — къы­Iуагъ Цэй Эдуард.
ХьыкумышIэу агъэнэфагъэхэм яджэ­уап гущыIэ къыщыхагъэщыгъ цыхьэ къазэрафашIыгъэм пае зэрафэразэхэр ыкIи пшъэрылъэу яIэхэр шъыпкъагъэ хэлъэу агъэцэкIэнхэм зэрэфэхьазыр­хэр.