Краснодар краим ипсэупIэу Динскаям икомандэу «ПСК-р» Мыекъопэ «Зэкъошныгъэм» къытекIуагъ ыкIи Урысыем и Кубок икъыдэхын фэгъэхьыгъэ шъолъыр хэшыпыкIыным иятIонэрэ едзыгъо пхырыкIыгъ.

ЕшIэгъум иохътэ шъхьаIэ ­1:1-у аухыгъ. «ПСК-м» хэтэу Дмитрий Нечаевым я 45-рэ такъикъым, «Зэкъошныгъэм» щешIэрэ Евгений Рагулькиным я 27-рэ такъи­къым къэлапчъэм Iэгуаор ­дадзагъ. Пчъагъэр зэрэзэфэдизым къыхэкIэу футболистхэм пенальти агъэцэкIагъ. Мыщ псэупIэу Динскаям илIыкIохэр нахь щылъэ­шыгъэх, 10:9-у текIоныгъэр къы­дахыгъ. Командэхэм ахэтхэр гъогогъу 12 зырызэ къэлапчъэм дэуагъэх. «ПСК-м» иешIакIоу Юрий Федосеевым ыгъэцэкIэгъэ пенальтир футболыр зыгу рихьыхэрэм бэрэ агу илъыщт. Iэгуаор къэлэпчъэнатIэм еутэ­кIыгъ ыкIи лъэшэу жьым дифыягъ, ар ешIапIэм игъунапкъэхэм арыкIыгъ ашIошIызэ, ошIэ-дэмышIэу къыгъэзэжьи, къэлапчъэм дэфагъ.

Урысыем и Кубок икъыдэхын фэгъэхьыгъэ зэнэкъокъум изичэзыу едзыгъо «ПСК-р» «Кубань» (Краснодар) щыIукIэщт. Мыекъопэ «Зэкъошныгъэр» ащ къыхэ­зыгъ.