ГандболымкIэ Урысыем иныбжьыкIэхэм яя VI-рэ гъэмэфэ Спартакиадэ Астрахань щырагъэжьагъ. КIэух едзыгъом хэлажьэ Адыгэ Республикэм ихэшыпыкIыгъэ командэ.

ПэшIорыгъэшъ уцугъом къыдыхэлъытэгъэ апэрэ ешIэгъоу тикомандэ иIагъэр шIуахьыгъ. Типшъашъэхэм къатекIуагъэх Краснодар краим илIыкIохэр, пчъагъэр – 41:17. Зэнэкъокъур дэеу рагъэжьагъэми, типшъашъэ­хэм агу агъэкIодырэп, куп едзыгъом джыри зэIукIэгъуищ щыря­Iэщт, плей-оффым ихьанхэм фэбэнэщтых. Апэрэ ешIэгъур тренерскэ штабым зэхифыщт, хэукъоныгъэу ашIыгъэхэр къыхигъэщыщт, ахэр дагъэзыжьынхэм ыкIи къыкIэлъыкIощт ешIэгъум зэрифэшъуашэу зыфагъэхьазырыным ынаIэ тыригъэтыщт. Зэфэхьысыжьэу ашIыхэрэм ялъы­тыгъэу «АГУ-Адыифым» иныбжьыкIэ командэ зыфэбэнэн ылъэкIыщт чIыпIэр къэнэфэщт.
Турнирым икIэух едзыгъо зэкIэмкIи команди 10 хэлажьэ. Мыекъуапэ къэзыгъэлъагъорэр апэрэ купым хэт ыкIи джырэ уахътэм яплIэнэрэ чIыпIэм щыт.
Спартакиадэр зэнэкъокъу за­къоу щытэп, мыщ гандболисткэ ныбжьыкIэхэм ясэнаущыгъэ ­къы­щызэIуахын, зыкъыщагъэлъэгъон, гандбол иным хэхьанхэмкIэ пчъэхэр къафызэIуихынхэ ылъэ­кIыщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Краснодар краир» - 4.
2. «Волгоград хэкур» - 2.
3. «Ставрополь краир» - 2.
4. «Адыгеир» - 0.
5. «Санкт-Петербург» - 0.