Гъэмэфэ зыгъэпсэфыгъом ижъотыпI, кIэлэцIыкIухэр щагум щэджэгух, кушъхьэфачъэмкIэ ыкIи самокатымкIэ къачъыхьэ, джащ фэдэу зыщычэфыщтхэ зекIохэм макIох.

Зыгъэпсэфыгъо уахътэр ыкIи зекIонхэр щынэгъончъэу щытынхэм фэшI автоинспекторхэм ыкIи Адыгеим иныбжьыкIэхэм ялIыкIохэр республикэм ирайонхэм къарыкIыгъэхэу Мыекъуапэ зекIо къэ­кIуагъэхэм пэшIорыгъэшъ зэдэгущыIэгъухэр адашIыгъэх.
КIэлэцIыкIухэм агу къа­гъэкIыжьыгъ лъэсрыкIо­хэм, транспортым иво­дительхэм ыкIи ахэм къа­дисхэм алъэныкъокIэ гъогурыкIоныр щынэ­гъончъэным ишапхъэхэр зыфэдэхэр. Анахьэу щэ­рэхъитIу зыкIэт транспортым игъэIорышIэн, пчы­хьэм нэфынэр къэзытырэ пкъыгъор зэрагъэфедэн фаем анаIэ тырарагъэдзагъ.

Iофтхьабзэм икIэухым кIэлэцIыкIухэм зэдэгущыIэгъу гъэшIэгъон къа­зэрадашIыгъэм фэшI инспекторхэм ыкIи Адыгеим иныбжьыкIэхэм ялIыкIохэм рэзэныгъэ гущы­Iэхэр араIуагъ. Нэужым Iофтхьабзэм изэхэща­кIо­хэм гъогурыкIоныр щы­нэгъончъэным ишапхъэхэр зэрыт узыгъэгъозэрэ тхьапэхэр кIэлэцIыкIухэм афагощыгъэх.