АР-м хэгъэгу кIоцI IофхэмкIэ и Министерствэ иследственнэ ГъэIорышIапIэ илъэс 26-рэ зыныбжь бзылъфыгъэм ылъэныкъокIэ къызэIуахыгъэ уголовнэ Iофым хэплъагъ. ГъэпцIагъэ зыхэлъ бзэджэшIагъэ зэрэзэрихьагъэмкIэ ар агъэмысэ.

Зэхэфынхэм къызэрагъэлъэгъуагъэмкIэ, 2021-рэ илъэсым къыщыублагъэу 2023-м нэс бзылъфыгъэм унэе предпринимателэу Iоф ышIэзэ илъэс 25-рэ зыныбжь иIофышIэ игъусэу гъэпцIагъэ зыхэлъ бзэджэшIагъэ зэрахьэнэу рахъухьагъ. Предприниматель бзылъфыгъэм гъусэ иIэу яIофшIэгъоу, сатыум емыпхыгъэ организацием Iутым бизнес цIыкIум ыкIи гурытым IэпыIэгъу фэхъугъэным пэIуагъэхьанэу аIозэ къэралыгъо бюджет ахъщэ къыIахыгъ. ЗэкIэмкIи тхылъ нэпцIи 130-м ехъу агъэпсыгъэу къычIагъэщыгъ ыкIи хэбзэнчъэу сомэ миллиони 3,9-рэ фэдиз къызIэкIагъэхьагъ.
ЩынэгъончъэнымкIэ федеральнэ къулыкъум ­ыугъоигъэ материалхэмкIэ уголовнэ Iоф къызэIуа­-
хыгъ. Прокуратурэм зэхифыгъэ Iофыр хьыкумым фигъэхьыгъ.