Охътэ заулэкIэ узэкIэIэбэжьмэ, предприятиехэм ащыщ горэм псэолъэшI техникэм иIэмэ-псымэхэр ыкIи электрическэ пкъыгъохэр мызэу, мытIоу чIатыгъукIыгъэхэу Мыекъопэ районым иполицие иотдел къэбар къыIэкIэхьагъ.

Оперативнэ-лъыхъун Iофтхьабзэу зэрахьагъэхэм къакIэлъыкIоу тыгъуакIор агъэунэфыгъ, ар илъэс 47-рэ зыныбжь хъулъфыгъэу ыпэкIэ пчъагъэрэ хьапс зытелъыгъэр ары.
ЗэрагъэунэфыгъэмкIэ, зэгуцафэхэрэр мызэу, мытIоу гъэбылъыгъэкIэ предприятием дахьэзэ уасэ зиIэ пкъы­гъохэр къыдихыщтыгъэх. ЗэкIэмкIи бзэ­джашIэм сомэ миллион 1,5-рэ зытефэгъэ Iэмэпсымэхэр къытыгъугъ. Ахэр хъулъфыгъэм ыщагъэх, къыкIэкIыгъэ ахъщэр зэрэфаем фэдэу ыгъэ­федагъ.
Полицием иматериалхэмкIэ уголовнэ IофитIу хъулъ­фыгъэм къыфызэIуахыгъ. Ащ илъэси 6-м нэс хьапс тыралъхьан алъэкIыщт. Ащ нэмыкIэу зэрарыр къырагъэпщыныжьыщт.